Қўшимча функционаллар
-
Тунги кўриниш
Қозоғистоннинг Павлодар вилоятида 79 нафар ўзбекистонлик қутқариб қолинди
Қозоғистоннинг Павлодар вилоятидаги трассада бузилиб қолган автобусдан 79 нафар ўзбекистонлик қутқариб олинди, деб хабар бермоқда Қозоғистон ички ишлар вазирлиги фавқулодда вазиятлар қўмитаси расмий вакили Руслан Имонқуловга иқтибос келтирган ҳолда Tengrinews.kz.
23 октябрда вилоятнинг Аксус туманида, Қалқаман посёлкасига 15 км етмасдан, "Қизилўрда-Павлодар" трассасида соат 21:30да 79 нафар ўзбекистонликни олиб кетаётган SETRA русумидаги йўналиш автобуси бузилиб қолган. Автобус Омскдан Чимкентга келаётган бўлган.
"Ёмон об-ҳаво шароитлари ва яқин атрофда аҳоли пункти йўқлиги ҳамда -6 градус совуқ ҳарорат туфайли маҳаллий ижроия идоралари билан биргаликда йўловчиларни зудлик билан Дўстик қишлоғига эвакуация қилишга қарор қилинган", деб маълум қилди Имонқулов.
Воқеа жойига Калқаман трасса тиббий-қутқарув пункти ходимлари жўнатилган. Йўловчиларни Дўстик қишлоғидаги мактабга эвакуация қилиш учун қўшимча "Газель" машинаси жалб қилинган.
Мигрантлар фожиаси
Мавзуга оид
12:47 / 22.11.2024
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
12:33 / 21.11.2024
Қозоғистон ҳолдинги Ўзбекистондан 169 нафар мутахассисни иш билан таъминлайди
16:29 / 19.11.2024
Қозоғистонда магистрал йўлда ўртача тезликни оширганлар жаримага тортилади
20:59 / 18.11.2024