Бразилиянинг Рио-де-Жанейро штати қарзини тўлай олмаяпти

Бразилия ҳукумати Рио-де-Жанейро штатининг банк ҳисоб рақамларини музлатиб қўйишга қарор қилди, деб хабар қилмоқда Associated Press агентлиги.

Штат маҳаллий ҳокимиятига кўра, 2016-йилги Олимпия ўйинларини ўтказгач, молиявий аҳволи фавқулодда ёмонлашган. Шунингдек, давлат хизматчиларига маошлар ўз вақтида тўланмаётгани хабар қилинмоқда. 

Мамлакат ҳукумати эса 170 млн реал (53 млн АҚШ доллари) миқдоридаги қарздорликни ёпишни талаб қилмоқда. Рио-де-Жанейро штати ҳисоб рақамлари қарз тўланмагунча музлатилиши таъкидланмоқда.