Испания кубоги. «Барселона» етакчиларсиз ҳам рақибини тор-мор келтирди
Испания кубогининг 1/16 финалидан ўрин олган яна бир учрашув якунланди. «Барселона» 64 минг томошабин қаршисида «Эркулес»ни қабул қилди.
Биринчи бўлимнинг сўнгги қисмида иккита тўп киритган каталонияликлар, иккинчи бўлимда рақибни аяб ўтиришмади. Месси-Суарес-Неймар учлигисиз ҳаракат қилган жамоада Арда Турон катта саҳнага чиқди. Ярим соатда турк футболчиси хет-трек қайд этган бўлса, жамоанинг янги футболчиси Пако Алькасер ниҳоят расмий учрашувда ҳам «Барселона» сафидаги голини киритишга муваффақ бўлди.
7:0 ҳисобида якунланган ўйин, икки учрашув натижасига кўра 8:1 кўринишини олди ва Луис Энрике шогирдлари янги йилга қадар давом этадиган танаффусга Испания кубогининг 1/8 финал иштирокчиси сифатида чиқиб кетадиган бўлди.
Испания кубоги, 1/16 финал
Жавоб учрашуви
Барселона – Эркулес 7:0 (2:0)
Голлар: Динь (37), Ракитич (45, пенальти), Рафинья (50), Турон (55, 86, 89), Пако Алькасер (73).
Барселона: Силлессен, Алеиш Видаль, Умтити, Динь, Маскерано, Суарес, Андре Гомеш, Рафинья, Ракитич, Турон, Пако Алькасер.
Эркулес: Рико, Рохас, Пенья, Дальмау, Буэсо (Майнц, 54), Миньяно, Фернандо, Хосе Гаспар (Ньето, 46), Чечу, Чека, Беррокаль (Салинас, 69).
Огоҳлантиришлар: Алеиш Видаль (42) - Пенья (42).
Дастлабки учрашув: 1:1
Мавзуга оид
12:22 / 16.09.2024
«Арсенал» ва «Барса» дербиларда ғалаба қозонди, Италияда — тартибсизлик
12:38 / 30.08.2024
«Барса»дан жиддий старт. Флик чемпионлик учун курашишини баралла эълон қилди
18:54 / 09.08.2024
«Барселона» Дани Олмо трансферини эълон қилди
17:50 / 19.07.2024