Швейцарияда 150 йил ичидаги энг қуруқ декабрь қайд этилди

Фото: RIA

Швейцариялик метеорологлар 2016 йилда 150 йил аввал бошланган кузатувлар давомидаги энг қуруқ декабрни қайд қилдилар.

Маълумотларга кўра, мамлакатда йилнинг охирги ойида ўртача 2 мм ёғингарчилик тушган. Швейцария ғарбидаги кўп ҳудудларда бутун декабрь давомида бирор парча қор ёки бирор томчи ёмғир ёғмаган.

Одатда декабрда Швейцарияда 90 мм ёғингарчилик тушади.

2016 йилги декабрь Швейцарияда кузатилган энг қуруқ ойлар орасида 1893 йил апрели (1,1 мм) ва 1865 йил сентябридан (1,7 мм) кейин учинчиси бўлди.