Туркия Суриядан қачон кетиши маълум қилинди

Туркия Сурия ҳудудидан Манбиж олинмагунча ва ўз чегаралари яқинида хавфсиз ҳудуд барпо қилинмагунча кетмайди. Бу ҳақда Туркия президенти маслаҳатчиси Илнур Чевик маълум қилган.

"Манбиж ва унинг атрофидаги ҳудуднинг 80 фоизи Курд ишчилар партияси жангчилари назоратида бўлиб турибди. Туркия арабларни Манбижга қайтариш ва ҳудудни курд жангариларидан тозалаш учун барча ишни қилади. Манбиж эгаллангач, Туркия Суриядаги ҳарбий амалиётини якунлайди", — деган Чевик Туркия ва Россия муносабатларига бағишланган конферернция вақтида. 

У Туркия ўзининг жанубий чегараларида 90 километрлик масофада хавфсиз ҳудуд барпо қилинишига эришмоқчи эканини қўшимча қилган.

"Латақия эса биз учун муаммо эмас. Латақия ҳамиша Сурия ҳукуматида бўлиб келган. Россия биз учун дўст давлат, биз Латақияда русларнинг ҳарбий базаси бўлишига қарши эмасмиз. Аксинча, у ерда русларнинг бўлиши минтақадаги барқарорликни таъминлайди", - деган Чевик.