Аллегри «Барселона»дан жиддий таклиф олди

«Барселона» клуби раҳбарияти вакиллари «Ювентус» бош мураббийи Массимилиано Аллегрини билан музокара бошлаган. Premium Sport хабарига кўра, томонлар ўртасида туринликлар жамоасининг ЕЧЛ доирасида «Порту»га қарши биринчи ўйини олдидан алоқа боғланган.

Каталонияликлар жамоаси 49 ёшли мутахассисга 8,5 млн евро маош ва 3 йиллик шартнома таклиф қилмоқда. Агар у бу таклифни қабул қилса, «Барселона» «Ювентус» билан келишиб олиши қолади.

Айни пайтда Аллегри «Ювентус» билан шартномасини узайтирмаган.

Бундан олдинроқ у билан «Арсенал» клуби ҳам жиддий қизиқаётгани хабар қилинганди.

Аллегрининг ҳозирги жамоаси билан шартномаси 2018 йилнинг ёзига қадар тузилган.

Маълумот учун, «Барселона» ЕЧЛнинг чорак финалида Аллегри бошқарувидаги «Ювентус»га рақиблик қилади.

Эслатиб ўтамиз, каталонияликларнинг ҳозирги бош мураббийи мавсум якунида жамоани тарк этишини эълон қилган. Жамоа раҳбарияти 1 июнь куни янги бош мураббий номини эълон қилишга ваъда берган.