Чусовитина яна ғалаба қозонди: Доҳада ҳам олтин медаль қўлга киритилди

Оксана Чусовитина Қатар пойтахти Доҳа шаҳрида спорт гимнастикаси бўйича Жаҳон кубогининг таяниб сакраш баҳсларида олтин медални қўлга киритди. 

Унинг якуний натижаси 14.166 баллга тенг бўлди. Кумуш медаль 14.099 баллни қўлга киритган австралиялик гимнастикачи Эмили Литтлга насиб этган бўлса, “бронза” словениялик спортчи Тея Белакка насиб этди (14.083 балл).

Аввалроқ 41 ёшли ўзбекистонлик машҳур гимнастикачи Боку шаҳрида спорт гимнастикаси бўйича Жаҳон кубогининг таяниб сакраш баҳсларида олтин медални қўлга киритгани ҳақида хабар бергандик.