Хитой Тибетда энг баланд тоғ электр узатиш тармоғининг қурилишини бошлади

Хитой Тибет мухтор тумани ҳудудида дунёдаги энг баланд тоғ электр узатиш тармоғининг қурилишини бошлади.

У денгиз сатҳидан ўртача 3,7 минг метр баландликдан ўтказилади, деб хабар берди "Синьхуа" ахборот агентлиги.

Электр тармоқ узунлиги 2,7 минг км дан ортиқ бўлади, у Лхаса (Тибет маъмурий маркази) билан Ньингчи шаҳар округини (жануби-шарқий туман) бирлаштиради. Бу қурилиш сабабли икки аҳоли пункти транспорт алоқаларини енгиллаштириш мақсадида қурилаётган темир йўл ҳам электр энергия билан таъминланади. Барча қурилиш ишлари 2018 йилда якунланиши кутилмоқда.    

Лойиҳа 16,2 млрд юан (2,3 млрд АҚШ доллари)ни ташкил этади.

Охирги вақтларда Хитой мамлакат ғарби ва жануби-ғарбида электр таъминоти тармоқлари қурилишини фаоллаштириб юборди. Бу туфайли бир неча йил ичида Хитойнинг узоқ ҳудудларида яшовчи юз минглаб аҳоли электр энергия билан таъминланди.