Қозоғистонда барча дори-дармонлар нархи давлат томонидан тартибга солинади

Қозоғистонда энди барча дори-дармонлар нархи давлат томонидан тартибга солинади. Бу ҳақда Қозоғистон Республикаси соғлиқни сақлаш вазирлиги масъул котиби Болат Токежанов маълум қилган, дея хабар тарқатмоқда «Қазақпарат».

«Нархларни ҳосил қилишнинг янги тизими дори-дармон воситаларининг ҳам улгуржи, ҳам чакана нархларини қамраб олади. Биз барча дори-дармонлар воситалари нархи давлат томонидан тартибга солинишига эришамиз. Бизда ҳозир Қозоғистон миллий дори-дармон формуляри мавжуд. У ерда Қозоғистонда рўйхатга олинган, самарадорлиги исботланган уч мингга яқин дори-дармон воситалари бор. Дори-дармонларни тарқатишга келсак, биз ўз ёндашувимизни жорий этмоқчимиз. Бизда 2021 йилгача миллий дори-дармон сиёсати қабул қилинган, унинг доирасида биз дори-дармон воситаларини рецепт орқали сотиш усулига ўтишни мўлжалламоқдамиз», — деди Болат Токежанов.

Унинг сўзларига кўра, лойиҳа доирасида соғлиқни сақлаш ва тиббиёт технологиялари соҳасидаги энг илғор тажрибалардан фойдаланилади. Асосий мақсад — ижтимоий тиббий суғурта тизимининг ҳаммабоплигини таъминлаш.

Лойиҳа доирасида Ягона миллий соғлиқни сақлаш тизимини шакллантириш учун муҳим аҳамиятга эга бўлган қўллов амалга оширилган.