Qozog‘istonda barcha dori-darmonlar narxi davlat tomonidan tartibga solinadi

Qozog‘istonda endi barcha dori-darmonlar narxi davlat tomonidan tartibga solinadi. Bu haqda Qozog‘iston Respublikasi sog‘liqni saqlash vazirligi mas'ul kotibi Bolat Tokejanov ma'lum qilgan, deya xabar tarqatmoqda «Qazaqparat».

«Narxlarni hosil qilishning yangi tizimi dori-darmon vositalarining ham ulgurji, ham chakana narxlarini qamrab oladi. Biz barcha dori-darmonlar vositalari narxi davlat tomonidan tartibga solinishiga erishamiz. Bizda hozir Qozog‘iston milliy dori-darmon formulyari mavjud. U yerda Qozog‘istonda ro‘yxatga olingan, samaradorligi isbotlangan uch mingga yaqin dori-darmon vositalari bor. Dori-darmonlarni tarqatishga kelsak, biz o‘z yondashuvimizni joriy etmoqchimiz. Bizda 2021 yilgacha milliy dori-darmon siyosati qabul qilingan, uning doirasida biz dori-darmon vositalarini retsept orqali sotish usuliga o‘tishni mo‘ljallamoqdamiz», — dedi Bolat Tokejanov.

Uning so‘zlariga ko‘ra, loyiha doirasida sog‘liqni saqlash va tibbiyot texnologiyalari sohasidagi eng ilg‘or tajribalardan foydalaniladi. Asosiy maqsad — ijtimoiy tibbiy sug‘urta tizimining hammabopligini ta'minlash.

Loyiha doirasida Yagona milliy sog‘liqni saqlash tizimini shakllantirish uchun muhim ahamiyatga ega bo‘lgan qo‘llov amalga oshirilgan.