Видео: Назарбоев университет президентига инглизчадан билимини намойиш этди

Қозоғистон президенти матбуот хизмати Нурсултон Назарбоевнинг ўз номидаги университет президенти Шигео Катсу билан инглиз тилида гаплашгани кўрсатилган видеони намойиш этди.

Видеода қозоғистонликлар президенти Шигео Катсудан инглиз тилида ҳол-аҳвол сўраганини кўриш мумкин.

Қозоғистон президенти университет президенти билан учрашув вақтида унинг саволига ҳам инглизча жавоб қайтарган. Шундан сўнг улар ишга ўтишган, Нурсултон Назарбоев Катсудан ҳисоботини ўқишни сўраган: "Please, your report".

Университет раҳбари президентга "Назарбаев Университети"нинг 7 йиллик фаолияти тўғрисида ҳисоб берган. Шигео Катсу университет қошидаги тадқиқот институти ютуқлари ҳақида гапирган.