Amazon янги смартфонлар қаторини ишлаб чиқаради

Инсайдерларнинг маълумотига кўра, Amazon девайслари Android 7.1 операцион тизимининг энг янги версиясини қўллаб-қувватлайди. Шунингдек смартфонларга Google'нинг барча қадрдон дастурлари (почта, дўкон иловалари ва б.) ўрнатилади. 

Тарқатилган маълумотларга ишонадиган бўлсак, янги қурилмалардан бири 5,2 дюймли дисплей, Snapdragon 435 процессори, 2 Гб оператив ва 16 Гб ички хотирага эга бўлади. Бундан ташқари, Amazon смартфони 13 мегапикселли камера билан таъминланиши айтилмоқда. 

Ice линейка телефонлари ривожланаётган давлатларда сотилиши тахмин қилинмоқда. Масалан, Ҳиндистонда юқорида қайд этилган хусусиятларга эга телефон учун 6000 рупий (93 доллар атрофида) сўралади. 

Эслатиб ўтамиз, Amazon компанияси 2014 йилда ўзининг илк Fire Phone смартфонини тақдим этганди.