Қашқадарёда иккита «Камаз» тўқнашди, бир ҳайдовчи вафот этди

Фото: 1news.uz

Кеча соат 17:00 да Қашқадарё вилояти Китоб тумани Қайнар қишлоғи яқинида иккита "Камаз" русумли юк машиналарининг бир-бири билан тўқнашуви оқибатида бир ҳайдовчи вафот этган, иккинчиси эса касалхонага ётқизилган.

1news.uz’нинг хабар беришича, ҳодиса М-39 йўлида содир бўлган бўлиб, довондан тушиб келаётган бўш "Камаз"ни ғишт ортиб келаётган бошқа "Камаз" орқасидан келиб урган. Кучли зарба натижасида бўш "Камаз" йўл ўртасидаги бетон тўсиқдан ошиб ўтиб нариги ёнга ўтиб кетган.

Орқадан урган ҳайдовчи ЙТҲ жойида вафот этган. Иккинчиси зудлик билан маҳаллий касалхоналарнинг бирига ётқизилди.