Аргентина президенти АҚШ вице-президенти билан Венесуэлани муҳокама қилди

Аргентина президенти Маурисио Макри АҚШ вице-президенти Майкл Пенс билан қўшма матбуот анжуманида маълум қилишича, Венесуэлада вазиятни қурол ёрдамида ҳал қилиш усулига йўл қўйиб бўлмайди. Бу ҳақда Reuters хабар қилмоқда.

«Куч қўллаш – бу тўғри йўл эмас», - деди у. Унинг таъкидлашича, Венесуэла ҳукуматига иқтисодий босимни истисно этмаяпти.

Ўз навбатида Майкл Пенснинг маълум қилишича, АҚШда Венесуэла президенти Николас Мадурога босим ўтказиш бўйича кўплаб имкониятлар бор, улар кўриб чиқилмоқда.

«Бироқ бизнинг фикрча, Мадуро режимига нафақат Америка, балки бутун дунё томонидан иқтисодий ва дипломатик босимни кучайтириш, Венесуэлада тинч йўл билан демократияни тиклашга туртки бериши мумкин», - дея таъкидлаб ўтди Америка вице-президенти.

Аввалроқ Трамп Мадуро билан телефон орқали суҳбатлашишдан бош тортганди.