БМТ Россиянинг санкциялардан кўрган йўқотишларини 55 млрд долларга баҳолади

БМТнинг инсон ҳуқуқларининг амалга оширилишига бир томонлама мажбурий чораларнинг салбий таъсири масалалари бўйича ходими Идрис Жазоирий Россияга қарши ва Россия томондан киритилган санкциялардан кўрилган зарарни айтиб ўтди.

Россия иқтисодиёти 2014 йилда санкциялар киритила бошлагандан кейин уларнинг оқибатида 55 млрд доллар зиён кўрган.  

Ҳисоботда айтилишича, Россияга қарши санкциялар киритган давлатларга санкциялар ҳар ой 3,2 млрд доллардан тушмоқда. Ҳужжатда таъкидланишича, зиён кўришлардан асосий юк Европа Иттифоқи давлатлари зиммасига тушади.

Жазоирийнинг фикрича, Россияга қарши 3 йилдан бери санкциялар киритиб келинаётганидан сўнг уларнинг самарадорлигига баҳо бериш вақти келган.

Жазоирийнинг таъкидлашича, санкцияларни секин-аста, биринчи навбатда аҳолига таъсир қиладиганларини бекор қилиш лозим.

Ҳисоботда келтирилган маълумотлар Жазоирийнинг Россияга ташрифи якунлари ва катта кўламли тадқиқоти давомида тўпланган.