Airbus ва Bombardier компаниялари ҳамкорликда самолёт ишлаб чиқаради

Европанинг Airbus ва Канаданинг Bombardier Inc. авиасозлик компаниялари Cseries самолётларини ишлаб чиқариш лойиҳасини биргаликда амалга оширадилар. Бунда Airbus янги корхона акцияларининг катта улушини олади, деб маълум қилинди Bombardier сайтида.

"Airbus компанияси CSeries Aircraft Limited Partnership корхонасининг 50,01 фоиз акциясини олади. Bombardier и Investissement Québec (Квебек вилояти ҳукуматининг инвестицион агентлиги) мос равишда 31 ва 19 фоиз акцияга эгалик қилади", деб айтилган хабарда.

Таъкидланишича, компаниялар ўртасидаги келишув 16 октябрда имзоланди. Расмий маълумотларга кўра, янги компания кейинги 20 йил ичида 6 мингта самолёт ишлаб чиқаради. CSALP’нинг бош қароргоҳи ва асосий ишлаб чиқариши Квебекда жойлашади.

"Бу барча учун ажойиб вариантдир! Cseries ўзининг илғор дизайни ва ажойиб иқтисодий кўрсаткичлари билан бизнинг тор фюзеляжли самолётларимиз оиласига аъло даражада мос келади ва тез ўсиб бораётган бозордаги хизматларимизни тез кенгайтиради. Ишончим комилки, бизнинг Bombardier билан ҳамкорлигимиз савдолар ва бу дастурнинг қийматини кескин оширади", деб айтган Airbus бош директори Том Эндерс.

Bombardier президенти Ален Бельмар ҳам Airbus’ни идеал ҳамкор деб атади.