Фото: Францияда сариёғ танқислигининг "аянчли" манзаралари

Францияда сариёғ ишлаб чиқариш ҳажми камайиши ва хорижга етказиб берилиши ҳажми ошиши сабабли бу маҳсулотнинг танқислиги юзага келди. Йирик супермаркетлар ва дўконлар сут маҳсулотларини сотиб олишга маблағлари етмаётганини, қандолатчилар эса ўз маҳсулотлари ишлаб чиқарилишини қисқартиришганини айтишмоқда.    

Франция сут маҳсулотлари ишлаб чиқарувчилари миллий федерациясида таъкидланишича, супермаркетлар пишлоқ ва сут маҳсулотларини катта маблағга сотиб олиш учун уларнинг нархларини оширишга тайёр эмаслар. Шу сабабли сут маҳсулотлари ишлаб чиқарувчилар ўз маҳсулотларини қўшни давлатларга сотишни афзал кўрмоқдалар.   

Октябрда харидорлар сариёғ учун мўлжалланган пештахталарнинг бўшаб ётгани суратларини чоп эта бошладилар. Харидорлар супермаркетлар яқин орада яна сут маҳсулотларини тўлиқ ҳажмда сота бошлашларига умид қилмоқдалар.