Foto: Fransiyada sariyog‘ tanqisligining "ayanchli" manzaralari

Fransiyada sariyog‘ ishlab chiqarish hajmi kamayishi va xorijga yetkazib berilishi hajmi oshishi sababli bu mahsulotning tanqisligi yuzaga keldi. Yirik supermarketlar va do‘konlar sut mahsulotlarini sotib olishga mablag‘lari yetmayotganini, qandolatchilar esa o‘z mahsulotlari ishlab chiqarilishini qisqartirishganini aytishmoqda.    

Fransiya sut mahsulotlari ishlab chiqaruvchilari milliy federatsiyasida ta'kidlanishicha, supermarketlar pishloq va sut mahsulotlarini katta mablag‘ga sotib olish uchun ularning narxlarini oshirishga tayyor emaslar. Shu sababli sut mahsulotlari ishlab chiqaruvchilar o‘z mahsulotlarini qo‘shni davlatlarga sotishni afzal ko‘rmoqdalar.   

Oktyabrda xaridorlar sariyog‘ uchun mo‘ljallangan peshtaxtalarning bo‘shab yotgani suratlarini chop eta boshladilar. Xaridorlar supermarketlar yaqin orada yana sut mahsulotlarini to‘liq hajmda sota boshlashlariga umid qilmoqdalar.