Маск Tesla пикап ишлаб чиқаришига ваъда берди

Тиниб-тинчимас Илон Маск автомобиллар бозорида инқилоб қилишдаги интилишида тўхташни истамаяпти. Tesla юк машинаси тақдим қилинганидан унча кўп вақт ўтмаган бўлса-да, ихтирочи твиттерда ўз компаниясининг келгуси режалари билан бўлишди.  

Маск Tesla пикап ишлаб чиқаришига умид билдирган фойдаланувчига “Биз Model Y чиқиши биланоқ пикап ишлаб чиқамиз. Мен 5 йилдан бери унинг лойиҳавий ва муҳандислик элементлари устида фикр юритмоқдаман ва уни ишлаб чиқаришни сабрсизлик билан кутмоқдаман”, деб жавоб қилган.

Маскнинг айтишича, янги машинанинг ўлчамлари Ford F-150 моделиникига яқин бўлади. Маск анчадан бери пикап яратишни режалаштириб юради. Бироқ бу машина яқин 3 йилда чиқиши даргумон, чунки Маск эслаб ўтган Model Y кроссовери бозорга 2020 йилдан кейин чиқиши кутилмоқда.