GM Uzbekistan Ливан ва Иорданияга Chevrolet Spark етказиб бера бошлади

GM Uzbekistan экспорт географиясини кенгайтириш ва янги бозорларга чиқиш стратегиясини амалга ошириш доирасида Chevrolet Spark автомобилларини Яқин Шарқ мамлакатлари бозорларига экспорт қилишни бошлади. Бу ҳақда GM Uzbekistan Жамоатчилик билан алоқалар хизмати хабар берди.

2018 йил 23 январида корхона томонидан Ливан ва Иордания давлатларига автомобилларнинг илк партияси юкланди. Жорий йил давомида ушбу давлатларга 500 донадан кам бўлмаган миқдорда автомобиллар экспорт қилиниши режалаштирилмоқда. 

Шунингдек, Chevrolet Spark автомобилларини Тунисга экспорт қилиш бўйича ишлар олиб борилмоқда.