Ўзбекистонда илк бор картон қутида чой ичимлиги ишлаб чиқарилмоқда

Чой Ўрта Осиё халқлари орасида азалдан севиб истеъмол қилинадиган ичимлик ҳисобланади. Чой бу ташналикни қондирадиган, чарчоқни ёзадиган ичимлик сифатида кўпчиликка маълум. Чой ичиш инсон организмида моддалар алмашинувини яхшилайди, кўтаради. Бундан ташқари организмга яхши сингади, натижада чой қон томирларни кенгайтиради, асаб тизимини яхшилайди, овқат ҳазм қилишда яхши ёрдам беради. Чойнинг таркибида бошқа ичимликларда учрамайдиган жуда кўп микроэлементлар бўлади, булар жумласига мис, фтор, темир, марганец, рух ва шу кабилар киради. Айрим манбаларда ёзилишича чой ичиш туфайли инсон организмида хавфли ўсма касалликлари олди олинади. Чойда инсон умрини узайтирадиган ва организм қаришини секинлаштирадиган моддалар мавжудлиги аниқланган.

“ROUSTON BOTTLERS” компанияси ишлаб чиқарилган ELSE TEA чой ичимликлари ҳам юқорида кўрсатилган шифобахш хусусиятларга эга. Бу чойларни ишлаб чиқаришга инновацион тарзда ёндашилган бўлиб, чойларнинг таъми ва таркиби янада яхшилашга ҳаракат қилинган. Чой таркибидаги табиий чой экстракти ва хушбўйловчи моддалар чойнинг сифатини янада яхшилашга ёрдам беради. Бу чой таркибида 6 фоизгача қанд бўлиб, бу нарса инсонга анчагина тетиклик бағишлайди. Бундан ташқари ELSE TEA чой ичимликлари Ўзбекистонда биринчи маротаба картон қутиларга қадоқланди. Қадоқлаш жараёнида илғор инновацион технологиялардан фойдаланилган бўлиб, бу чойдаги барча хусусиятларни ўзгаришсиз сақлаб қолишга имкон беради. Стерил ҳолатда қадоқланган чой ичимлигининг сифати бир йил давомида ўзгаришсиз сақланишига имкон беради. Чойни иложи борича совуқ ҳолда ичиш тавсия қилинади. Ҳозирги пайтда ELSE TEA чой ичимликлари ичиш учун қулай бўлган икки хил қадоқда: 250 мл ва 125 мл ли қадоқда ишлаб чиқарилмоқда. Бундан ташқари ичишда қулайлик бўлиш учун ҳар бир истеъмол қадоғи махсус пластик найчалар билан таъминланган. Ишлаб чиқариш жараёнида барча санитария-гигиеник нормаларига қатъий амал қилинади. Маҳсулот тегишли давлат органлари томонидан сертификатланган.