Facebook 2017 йил молиявий якунлари ҳақида маълум қилди 

Facebook компанияси 2017 йил якунлари бўйича 15,9 млрд доллар соф фойда олди. Бу ҳақда компания ҳисоботида хабар берилган.

Шу тариқа, даромад миқдори бир йил аввалги кўрсаткич билан солиштирганда 56 фоизга ошган.

Facebook даромади ҳам ортган – 27,6 млрд доллардан 40,6 млрд долларга.

2017 йилнинг декабрида ҳар куни ижтимоий тармоққа кирувчи фойдаланувчилар сони 1,4 млрд.га тенг бўлган бўлса, 2,13 млрд фойдаланувчи ҳеч бўлмаса бир ойда бир маротаба кирган. Компания маълумотларига кўра, ҳар икки кўрсаткичнинг йиллик ўсиши 14 фоизни ташкил қилди.