Муқаддам судланган ака-ука яна жиноят содир этди

2017 йил 6 сентябрда Тошкент вилоятининг Ангрен шаҳрида  номаълум шахс А.С.га тегишли А.Навоий кўчасида жойлашган савдо дўконига том қисмини бузиш йўли орқали кириб, у ердан бир неча турдаги 3.836.500 сўмлик уй-рўзғор буюмларини ўғирлаб кетган.

Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар бермоқда.

Кўрилган чоралар натижасида ушбу жиноятни Ангрен шаҳар 10-даҳа 2-уйда яшовчи, муқаддам судланган, 1996 йилда туғилган  И.Б. ва унинг бирга яшовчи ўгай акаси, муқаддам судланган, 1992 йилда туғилган Д.Б. содир этганликлари аниқланиб, қўлга олинганлар.