ExxonMobil Боку-Тбилиси-Жейхан нефть қувури акциядорига айланди

АҚШнинг ExxonMobil компанияси Боку-Тбилиси-Жейхан нефть қувурини бошқарувчи BTC Co. компанияси акциядорлари таркибига кирди. 

ExxonMobil CIECO компаниясидан 2,5 фоиз акция сотиб олган. Маълум қилинишича, битим амалга оширилган. 

Қуйидаги компаниялар нефть қувури лойиҳасини амалга ошириш учун 2002 йил августида таъсис этилган BTC Co. компаниясининг акциядорлари ҳисобланади: BP (30,1 фоиз), AzBTC (25), Chevron (8,9), Statoil (8,71), ТРАО (6,53), Eni (5), Total (5), Itochu (3,40), Inpex (2,5), ExxonMobil (2,50) ва ONGC (2,36).

Нефть қувурининг умумий узунлиги 1786 кмни ташкил қилади, ундан 443 километри Озарбойжон, 249 километри Грузия ва 1076 километри Туркия ҳудудидан ўтади. Қувурнинг қурилиши 2003 йил апрелда, нефть билан тўлдирилиши 2005 йил 18 майда бошланган. 

Нефть қувурининг ўтказиш қуввати кунига 1,2 млн баррелни ташкил қилади.