Қўшимча функционаллар
-
Тунги кўриниш
Туркия Африндаги ҳарбий амалиётнинг биринчи босқичини якунлади
Туркия Сурия шимолидаги Африн ҳудудида «Зайтун бутоғи» номли ҳарбий кампаниясининг биринчи босқичини якунлади. Бу ҳақда якшанба куни Haberturk телеканали хабар тарқатди.
Манба маълумотига кўра, Сурия Араб республикасига Хатай ва Килис вилоятларидан кириб келган туркиялик ҳарбийлар Африн атрофида ярим ой шаклидаги фронт чизиғини ҳосил қилиб тўхташган.
Январь ойи охирида Туркия бош вазири Биноли Йилдирим журналистларга республика ушбу амалиётни тўрт босқичда ўтказиши ҳақида маълум қилганди. Аммо ўшанда у тафсилотларни айтмаганди.
Туркия Қуролли кучлари Бош штаби 20 январь куни Афринда «Ўз-ўзини мудофаа қилиш халқ кучлари» ва «Демократик иттифоқ» партиясига қарши «Зайтун бутоғи» операциясининг бошланганлиги ҳақида эълон қилди.
Бундан олдинроқ Туркия қуролли кучлари бош штаби Суриядаги амалиёт бошланганидан бери икки мингга яқин жангари йўқ қилганини маълум қилганди.
Туркиянинг Сурияга кириши
Туркия қуролли кучлари Суриянинг Африн минтақасидаги қуролланган курд бўлинмаларига қарши қуруқликдаги ҳарбий операцияни амалда бошлади.
