Дубайда Микки Мауснинг рекорд баландликдаги гулли ҳайкали қад кўтарди

Дисней мультқаҳрамони Микки Мауснинг гуллардан ясалган энг баланд ҳайкали Дубайда қад кўтарди. Khaleej Times нашри шу ҳақида хабар берди.

Микки Маус ҳайкалининг гулли шакли Dubai Miracle Garden боғида машҳур мультфильм қаҳрамонининг 90 йиллик юбилейи шарофати билан пайдо бўлди. Унинг баландлиги 18 метрни ташкил қилади, "гулли" Микки Маус 100 минг гул ва ўсимликдан яратилган бўлиб, 35 тонна оғирликка эга. 

Нашрда ёзилишича, Миккининг ушбу гулли шакли Гиннеснинг Рекордлар китобига энг баланд гулли ҳайкал сифатида киритилади. 100 кишидан иборат дизайнер ва муҳандислар уни ясаш учун 45 кун сарфлашди.