Хитой пўлат ва кўмир ишлаб чиқариш ҳажмини яна камайтиради

Хитой ҳукумати ортиқча ишлаб чиқариш қувватларини қисқартириш бўйича ислоҳотлар доирасида 2018 йилда пўлат ишлаб чиқаришни яна 30 млн тоннага, кўмир ишлаб чиқаришни  эса 150 млн тоннадан кўпроққа қисқартиради. Бу ҳақда ҳукумат иши ҳақидаги ҳисоботда айтилган.

Хитой ҳукумати саноатнинг ортиқча ишлаб чиқариш қувватларига эга, яъни таклиф талабдан анча кўпроқни ташкил қилувчи тармоқларида таклиф ислоҳоти ўтказилишини эълон қилганди. Мутахассисларнинг таъкидлашича, бу сиёсат бир томондан нархларнинг пасайишига олиб келди, инфляциянинг паст даражасини ушлаб турибди, иккинчи томондан эса корхоналарнинг касодга учраши ва иш ўринлари қисқаришига олиб келмоқда. 

2017 йилда Хитой пўлат ишлаб чиқаришни 50 млн тоннага, кўмир ишлаб чиқаришни 150 млн тоннага қисқартирганди.