АҚШ давлат котиби Африкага сафарини бошлайди
АҚШ давлат котиби Рекс Тиллерсон 6 март куни Африкага илк сафарини бошлайди. АҚШ дипломатияси раҳбари 6 мартдан 13 мартгача давом этадиган сафари давомида Чад, Жибути, Эфиопия, Кения ва Нигерияга ташриф буюради.
Тиллерсон сафари давомида Африка давлатлари етакчилари билан террорчиликка қарши кураш, тинчлик ва хавфсизлик ҳамда ўзаро манфаатли савдо ва инвестицияларни илгари суриш йўлларини муҳокама қилмоқчи.
Январда Тиллерсон матбуот анжуманда “Президент Дональд Трампнинг Африка давлатлари ҳақидаги кескин гапларидан кейин Вашингтоннинг бу давлатлар билан муносабатлари хавф остида қолмадими?” деган саволга АҚШ Африка давлатлари билан яхши муносабатларни ривожлантиришдан манфаатдорлигини айтган.
Трамп иммиграция бўйича сенаторлар билан йиғилишда учинчи дунё давлатларини “сассиқ жой” деб атаган. Жумладан, у нутқида Ҳаити, Сальвадор, Африканинг бир қатор давлатларини эслаб ўтган. Трампнинг бу гаплари кўплаб давлатлар томонидан танқидга учраган.
Мавзуга оид
08:00 / 16.09.2024
Нигерияда сув тошқинлари юзлаб маҳбусларнинг қочишига ёрдам берди
22:00 / 09.09.2024
Хитой – Африканинг “катта оғаси”ми?
15:52 / 09.09.2024
Марокашдаги зилзилага бир йил тўлди. Аҳоли ҳануз чодирларда яшаб, ҳукумат ваъда қилган ёрдамни кутмоқда
11:37 / 05.09.2024