«Бунёдкор» ЎФА ихтиёрига ўтади

Фото: «Бунёдкор» стадиони

Тошкентнинг «Бунёдкор» спорт мажмуаси Ўзбекистон футбол ассоциацияси ихтиёрига ўтади. Бу ҳақда KUN.UZ мухбири ЎФА биринчи вице-президенти Умид Аҳмаджоновга асосланиб хабар бермоқда.

«Олимпия захиралари коллежига энди футбол бўйича қабуллар бўлмайди. Футбол бўйича алоҳида академиялар жорий қилинади. Ҳар бир ҳудуд учун алоҳида академиялар жорий қилинади ва битта Республика марказлашган академия бўлади.

Тошкентдаги «Бунёдкор» стадиони, спорт комплекси ЎФА ихтиёрига ўтказилмоқда. Айнан шу ерда Республика академиясини жойлаштириш кўзда тутилган», дея гапириб ўтган Аҳмаджонов.