«Охиригача еб қўй, Рекс» — Трамп Тиллерсонни эскирган салатни ейишга мажбурлаган

globallookpress.com © Olivier Douliery/CNP/AdMedia

13 март куни АҚШ президенти Доналд Трамп АҚШ давлат котиби (эндиликда собиқ котиб) Рекс Тиллерсонни истеъфога чиқариб, унинг ўрнига эндиликда собиқ МРБ (Марказий разведка бюроси) раҳбари Майк Помпеони тайинлаганди.

Шундан кейин Трамп ва Тиллерсон ўртасидаги муносабатлар ҳақида ҳар хил хабарлар пайдо бўла бошлади.

АҚШ етакчиси Дональд Трамп Хитойга ташриф вақтида, ўшанда Қўшма Штатлар давлат котиби лавозимини эгаллаб турган Рекс Тиллерсонга сўлиб қолган салатни ейишга мажбурлаган. Бу ҳақда The Wall Street Journal хабар қилмоқда.

Нашрнинг иддао этишича, ҳодиса Хитой парламентида 2017 йилнинг ноябрида юз берган – «Трампнинг Осиё бўйлаб беш кунлик тури давомида».

Залда Трамп, Тиллерсон ва Америка делегациясининг бошқа вакиллари бўлган.

Столга «сўлиб қолган Цезарь» салати солинган тарелкалар қўйилган, деб ёзади WSJ.

Газета манбаларининг маълум қилишича, Трамп ейилмаган салат Хитой томонини хафа қилишидан хавотирда бўлган. Шу сабабдан у Тиллерсонга уни ейишни бошлаш ҳақида «топшириқ» берган.

«Рекс, салатни истеъмол қил», - деган президент.

Тайёрлаган: Отабек Матназаров

#Дональд Трамп #Рекс Тиллерсон #салат