Ғарб Суриядаги гуманитар фалокатни инкор қилмоқда – Эрдўған 

Туркия президенти Ражаб Тоййиб Эрдўған  Ғарб давлатларини ҳар куни аёллар ва болалар ҳалок бўлаётган Суриядаги вазиятга аралашишга чақирди.    

“Ғарб қачон Шарқий Гутада тинч аҳоли ҳалок бўлаётганига эътибор қаратади? Бу адолатсизлик қачон тугайди?”, деб савол билан юзланган Эрдўған Сиирт вилоятидаги намойишда.

Эрдўған Суриядаги гуманитар фалокат мавзусини мудофаа компаниялари бойиши учун восита сифатида қўллаётган хорижий доиралар позициясини қоралади. “Бу шармандалик! Бу давлатлар демократия, инсон ҳуқуқлари ва дипломатия мавзусида гапиришга умуман ҳақлари йўқ”, деб  айтган Эрдўған.   

“Сурияда тинч аҳолининг ҳалокатини инкор қилувчи давлатлар террорчиликка қарши кураш масаласини кўтаришга ва террорчилар ҳаракатидан “арз қилиш”га ҳеч қандай ҳуқуққа эга эмаслар”, деб таъкидлаб ўтган Туркия раҳбари.    

Эрдўған террорчиларнинг Анқарага қарши ҳаракатларига самимий муносабат билдирмаётган Ғарб давлатлари Туркиянинг минтақадаги аксилтеррорчилик амалиётларини йўққа чиқариш учун барча ишни қилишаётганига урғу берган.

Эрдўған Суриянинг Афринида “Зайтун новдаси” амалиёти бошлангандан бери 4017 террорчи йўқ қилинганини эслатиб ўтган. Шу билан бирга, Ироқ шимолида Туркия қуролли кучлари 327 жангарини, Туркиянинг ўзида эса 154 жангарини йўқ қилган.