ЕЧЛ анонси. «Сити» бугун жавоб қайтаради

Бугун Чемпионлар лигасининг чорак финали жавоб учрашувлари ўтказилади. Биринчи ўйинлар доирасида «Энфилд»да «Манчестер Сити» жавобсиз 3та гол ўтказиб мағлуб бўлганди, аммо «Ливерпуль»ни ярим финалга йўллашга ҳали эрта.

Кутилаётган сценарий

Чорак финалнинг биринчи учрашувлари фаворитларни ажратиб берди. «Ливерпуль» ва «Манчестер Сити» жуфтлигида ҳам устунлик Клопп жамоасида, аммо Англиянинг бўлажак чемпионлари Гвардиола бошчилигида бу тасаввурларни тарқатиб юборишга ҳаракат қилишади.

«Ливерпуль» жавоб учрашуви олдидан катта устунликка эга бўлган, аммо жуда катта эмас (бошқа жамоа бўлганида буни жуда катта деса ҳам бўларди). «Шаҳарликлар» бу мавсумда жуда кучли кўринмоқдаки, улар бу вазифани ҳам уддалай олишларини кутиш мумкин. Гвардиола жамоаси уч гол ура олиши мумкин. Бу бўлиши мумкин бўлган сценарий.

Мотивация
«Манчестер Сити»да ҳозирда мотивация катта. «Шаҳарликлар» алоҳида иштиёқсиз ҳам бу мавсумда йўлидан ким чиқса, яксон этиб кетаверди. Жамоанинг кучи ҳақида Юрген Клопп жуда яхши билади. У жавоб ўйинидан олдин шундай деди: «Биринчи ўйиндан сўнг йигитлар баҳснинг фақат бир қисми ортда қолганини билишганди. Биз ҳисобда олдинда эканимиз ғалаба қозонишимиздан дарак бермайди. Биз жавоб ўйинида ҳам яхши ҳаракат қилиб, ўзимизнинг энг яхши футболимизни намойиш этишимиз керак».

Дербидан ибрат
Ўтган шанба куни «Манчестер Юнайтед» ҳам биринчи бўлимда иложсиз қолдирилганди. 45 дақиқа ичида «Манчестер Сити» «қизил иблислар»га фақат 2та эмас, яна бир нечта гол уриши мумкин эди. Танаффусда «Манчестер Сити» футболчилари чемпионликни қандай нишонлаш ҳақида ўйлашга киришиб кетгани уларни чалғитди. «Ливерпуль»нинг асосий муаммоси шуки, энди «Манчестер Сити»нинг хато қилишга ҳаққи йўқ. Гвардиола шогирдлари аввалги ўйинлардан хулоса чиқаришлари керак.

«Энфилд»да бўлган ҳодиса менинг жамоа қандай ўйнаши бўйича муносабатимни ўзгартирмайди», деган ўйиндан олдинги матбуот анжуманида Хосеп Гвардиола. «Манчестер Сити» бугунги ўйинда ҳам ҳужум қилишда давом этади, бу тўғри ҳам: Манчестер дербисининг биринчи бўлими шуни кўрсатдики, «шаҳарликлар»да ҳеч қандай инқироз ёки пасайиш йўқ, улар ҳамон қўрқинчли даражада кучли.

Мавсум бошида «Сити» йирик ҳисобларда ғалаба қозонган, «Ливерпуль»га ҳам 5та гол урилганди. Сентябрь ойида «Этиҳад»да кечган ўйинда ҳисоб 1:0 ҳолатидалигида Мане четлатилгач, яна 4 гол урилганди. «Сити» футболчилари муайян рақибга қарши ўйинда мақсадга қандай эришиш мумкинлигини билишади. 

«Сити»да Премьер-лиганинг энг қимматбаҳо таркиби, ҳар бир позицияда бир неча нафардан кучли футболчи бор. Жамоа футболчилари бир-бирини ўзаро тушуниш даражаси ўта юқори. Гвардиола баъзан ўз тактик айёрликлари қурбонига айланиб қолиши мумкин, аммо у бугун максимал даражада кучли таркибни майдонга ташлаши, футболчилар ўз жойларида ҳаракат қилишлари керак (бир ҳафта илгари бўлгани каби Кевин Де Брюйне таянч зонасида ўйнамаслиги керак).

Тезкор гол
Бу ўйинда энг муҳими тезкор гол уриб олиш керак. Ҳозир «Сити»да гол йўқ, аммо биринчиси урилса, кейингилари ҳам бўлади. Фақат илк 20 дақиқаликдаги гол «шаҳарликлар»нинг Европадаги юришни давом эттиришига имконият қолдиради. «Биз албатта Европада кубок ютамиз. Аммо қачон, буниси аниқ эмас. Биз чиқишимиз керак бўлган тоғ жуда баланд», деди ўйиндан олдин испаниялик мураббий.

Тахминий таркиблар
«Дербидаги мағлубият йигитларга қанчалик таъсир кўрсатганини билмайман. Аммо биз бундай психологик зарбага дош бера олмасак, бизга келажакда қийин бўлади. Бу бир синов. Бизда яна 90 дақиқа ҳамда қўшимча дақиқалар бор. «Манчестер Юнайтед»га қарши ўйиннинг охирги дақиқаларида ҳам биз жуда кўп вазиятларга эга бўлдик», деди мураббий.

Жавоб учрашувига «Манчестер Сити» деярли йўқотишларсиз келди. Бенжамин Менди ҳали сафга қайтмади, Жон Стоунзнинг ўйнаши ҳам савол остида. Лекин бошқа футболчилар, жумладан, Серхио Агуэро ҳам сафда. Аргентиналик футболчи бошланғич таркибда ўйнаши қийин, ҳужум чизиғи кўп эҳтимол билан Сане, Стерлинг, Де Брюйне ва Давид Силвадан таркиб топади. Таянч зонасидан Фернандиньо жой олади, ҳимоя учун турли вариантлар бор. Жон Стоунз ўйин амалиётига эга эмаслиги туфайли Гвардиолада танлов катта эмас. Ўнг қанотда Уокер, чапда Дельф ёки Данило, марказда эса Отаменди ва Компани жуфтлиги ҳаракат қилишини кутиш мумкин.

Ўз навбатида «Ливерпуль»да таркиб борасида муаммолар етарлича. Бу эса «Сити»нинг имкониятларини оширадиган омилдир. Ўйинда дисквалификация қилинган Жордан Ҳендерсондан ташқари, Муҳаммад Салоҳ ва Эндрю Робертсон ҳам ўйнай олмаслиги мумкин. Лекин британиялик журналистлар мисрлик футболчи майдонга тушишига ишонч билдиришмоқда. Матбуот анжумани вақтида Юрген Клопп ҳам буни тасдиқлагандек бўлди: «Салоҳ ўйнайдими? 100 фоизга ишончим комил эмас, аммо йўқдан кўра ҳа». Дисквалификацияга учраган Ҳендерсон ўрнини бошланғич таркибда Вейналдум эгаллаши мумкин.

10 апрель. 23:45. Манчестер. «Этиҳад» стадиони
Чемпионлар лигаси. 1/4 финал. Жавоб учрашуви (биринчи ўйин – 0:3)
«Манчестер Сити» (Англия) – «Ливерпуль» (Англия)
Қаерда кўриш мумкин: «Футбол 2» Дисквалифиция қилинганлар: Жордан Ҳендерсон («Ливерпуль»)
Жароҳатланганлар: Жон Стоунз (сўроқ остида), Бенжамен Менди (тушмайди) - Муҳаммад Салоҳ, Эндрю Робертсон, Альберто Морено (барчаси сўроқ остида), Жо Гомес, Адам Лаллана, Жоэль Матип, Эмре Жан (тушмайди).