ХХР хорижий капиталга алоқадор чора-тадбирлар ишлаб чиқди

Хитой Халқ банки раҳбари И Ган мамлакат ҳукумати иқтисодиётнинг молиявий секторига хорижий капитал киришини кенгайтиришга қаратилган қатор аниқ чора-тадбирлар қабул қилиши ҳақида хабар берди. Бу ҳақда РИА «Новости» хабар қилмоқда.

«Биз келаётган бир неча ой ичида қуйидаги чораларни амалга оширамиз: тижорат банкларида хорижий капитал улуши юқори чегараси бўйича чекловни бекор қиламиз, ички ва хорижий капиталга муносабат бир хилда бўлади; хорижий банкларга Хитойда бир вақтнинг ўзида филиаллар ва кичик банклар ташкил этишга рухсат берамиз; брокерлик компаниялари, фондларни бошқариш бўйича компаниялар, фьючерс компаниялари ва хусусий суғурталаш соҳасида ишловчи компанияларда хорижий капитал акциялари чекланган улушини 51 фоизгача кўтарамиз, уч йилдан кейин эса барча тақиқларни бутунлай бекор қиламиз», - дея айтиб ўтди И Ган.

Шунингдек унинг қўшимча қилишича, молиявий хатарларнинг олдини олиш ва очиқлик даражасида молиявий назоратни мувофиқлаштиришга жиддий эътибор қаратилади.