Хитойда ноёб пандалар дунёга келди (видео)

Фото : Chengdu Research Base of Giant Panda Breeding

Хитойнинг Чэнду шаҳридаги пандаларни кўпайтириш марказида Жаҳон ёввойи табиат жамғармаси рамзи ҳисобланувчи катта пандалар дунёга келди. Бу ҳақда New China TV телеканали маълум қилди.

Аила лақабли урғочи панданинг болалари жорий йилда марказда туғилган учинчи жуфт пандалардир. Улар дастлаб шифокорлар назоратида бўлади, ўзларини тутиб олгач эса оналари билан қолишлари мумкин бўлади.

Катта панда 2016 йилгача йўқолиб бораётган тур деб ҳисобланган. Олимларнинг фикрича, ҳозирда ёввойи табиатда 2 мингга яқин панда бор.