7 август кунги имтиҳонларнинг биринчи сменасида 48 нафар абитуриент имтиҳондан четлатилди

Фото: Facebook/Азиз Абдуҳакимов

2018 йил 7 август 1-сменасида олий таълим муассасаларида ўтказилаётган тест синовларининг бориши тўғрисида (соат 08:45 ҳолатига) маълумот берилди.

Бугун тест синовлари ўтказилиши режалаштирилган Республикадаги барча вилоятлар олий таълим муассасаларида тест синовлари давом этмоқда.

Тест синовлари материаллари махфийлиги ва дахлсизлигини таъминлаган ҳолда тест синовларидан 1 кун аввал 6 август куни тест синовлари ўтказиладиган 57та бинога етказилди.

Шу кунларда ҳаво ҳарорати кўтарилиши кузатилмоқда, шунинг учун абитуриентларнинг ота-оналари учун салқин жойларда ўринлар ташкил қилинди ва у ерда катта ҳажмли мониторлар ёрдамида тест жараёнлари онлайн кўринишда ёритиб борилмоқда. Бино ичидаги ҳаво ҳарорати бир меъёрда ушлаб турилибди.

Абитуриентлар учун ичимлик суви ҳамда барча биноларда тиббиёт ходимларининг навбатчилиги ташкил этилган.

Тест синовларини адолатли ва шаффоф ўтказиш мақсадида Ички ишлар вазирлиги ходимлари ҳамда назоратчилар томонидан назорат янада кучайтирилган. Олиб борилган ишлар натижасида тест синовларининг шаффоф ва адолатлилиги таъминланиб, абитуриентлар ва ота-оналарнинг тест синовларини ўтказишга нисбатан норозиликлари олди олинмоқда.

Тест синовлари барча олий таълим муассасаларида бир вақтда 8:00 дан бошланди. Тест синовларида 14та олий таълим муассасаларининг 36 та таълим йўналишида 29 минг 431 нафар абитуриент иштирок этмоқда.

Тезкор маълумотларга кўра 671 нафар абитуриент турли сабабларга кўра тест синовларига келмади.

Тест синовлари тартиб қоидаларини бузганлиги сабабли 48 нафар абитуриент ҳудудга кириш жойида уяли телефон, шпаргалкалар олиб киришга ва ўзгани ўрнига киришга уринганлиги учун тест синовларидан четлаштирилди.

Барча тест синовлари ўтадиган биноларда 1-сменада тест синовлари соат 11:30 да якунланади. 2-смена 15.00да бошланади.

Шу куннинг ўзида тест синовлари натижалари Давлат фелдьегерлик хизмати томонидан махфийлиги ва дахлсизлигини таъминлаган ҳолда Давлат тест марказига қайтарилади
Якуний маълумотлар тест синовлари 1-сменада тугаганидан сўнг тақдим этилади.

#тест синовлари

1 августдан 15 августга қадар Ўзбекистонда олий таълим муассасаларига кириш имтиҳонлари бўлиб ўтмоқда. Бу йилги имтиҳонлар аввалги йиллардагидан кескин фарқ қилувчи форматда ташкил этилган, хусусан, тест саволлари 36та эмас, 30тадан, абитуриентлар эса натижаларни имтиҳоннинг кейинги куниёқ билишлари мумкин