Испания БМТ Хавфсизлик кенгашида вето ҳуқуқини чеклашни сўради

Испания ҳукумати раҳбари Педро Санчеснинг БМТ Бош ассамблеяси 73-сессиясиги нутқи давомида маълум қилишича, Испания, БМТ Хавфсизлик кенгашида вето ҳуқуқини чеклаш тарафдоридир. Бу ҳақда РИА «Новости» хабар бермоқда.

Таъкидланишича, бундан аввал бошқа икки давлат ҳам шундай таклиф билан чиққанди - Франция ва Мексика. Улар Хавфсизлик кенгаши доимий аъзоларининг вето ҳуқуқини чеклаш механизмини ташкил этиш таклифини беришган, бу кенг кўламдаги жиноятлар юз берганида ёрдам беради.

«Испания БМТ Хавфсизлик кенгашидаги вето ҳуқуқидан фойдаланишни чеклаш бўйича Франция-Мексика ташаббусини қўллаб-қувватлайди. Бу оммавий шафқатсизликлар юз берганида тегишли чоралар кўриш учун керак», - деди Санчес.

Ҳозирги вақтда Буюк Британия, АҚШ, Франция, Хитой ва Россия БМТ Хавфсизлик кенгашида вето қўйиш ҳуқуқига эга.

Эслатиб ўтамиз, аввалроқ етти давлат БМТга Сурия бўйича чақириқ билан чиққанди.