Ўзбекистон интернет тезлиги рейтингида ўз ўрнини бироз яхшилади

Ирландия Ookla компаниясининг Speedtest.net интернет-сервиси сентябрь ойи якунлари бўйича дунёдаги симсиз ва сим орқали уланувчи интернет тезлиги ҳақидаги маълумотларни ўз ичига олган Speedtest Global Index ойлик рейтингини эълон қилди.

Мобил интернет тезлиги бўйича Ўзбекистон бир позицияни йўқотди ва 124 ўриндан 110-ўринни эгаллади (тезлик 9,63 Мбит/с.дан 9,93 Мбит/с.гача кўтарилди).

Сим орқали уланувчи интернет тезлигида мамлакат икки позицияга кўтарилди ва ҳозир 130 ўриндан 118-поғонани эгаллаб турибди (тезлик 7,98 Мбит/с.дан 8,69 Мбит/с.гача кўтарилди).

Норвегия мобил интернет тезлиги бўйича ҳамон етакчиликни ўз қўлида сақлаб турибди (67,12 Мбит/с), Сингапур - сим орқали уланувчи тезлик бўйича (184 Мбит/с).

Эслатиб ўтамиз, аввалроқ Ўзбекистонда «Ўзбектелеком» монополияси чекланиши хабар берилганди.