Ҳаити президентига суиқасд қилинди

Фото: CC BY 2.0/Siri B.L./Haiti

Ҳаити президенти Жовенел Моизга номаълум кимсалар томонидан суиқасд қилинди. Моиз ушбу ҳужум оқибатида жабрланмаган, деб хабар берди Haiti Libre портали.

Моизга суиқасд Пон-Руж шаҳрида, Ҳаити давлати асосчиси ва унинг биринчи ҳукмдори Жан-Жак Дессалин вафотининг 212 йиллигига бағишланган тадбирда содир этилган.

Маълум қилинишича, Моиз Дессалин меъморий ёдгорлигига гул қўяётганда унга қарата ўт очилган. Моизнинг тансоқчилари уни хавфсиз жойга олиб кетишга муваффақ бўлишган.

Ҳужум оқибатида президент хавфсизлик хизматининг икки ходими яраланган. Воқеанинг қолган тафсилотлари маълум қилинмаган.