Москва-Душанбе авиарейсида 4 ёшли бола ҳаётдан кўз юмди

Тожикистонлик 4 ёшли бола Россиянинг Utair авиакомпаниясининг Москва-Душанбе рейсини бажарувчи самолётида ҳаётдан кўз юмди.  

Авиакомпания вакили Ҳусан Усмонов ушбу маълумотни тасдиқлаган. Боланинг исми ва воқеа тафсилотлари маълум қилинмаган.

“Рейс “Внуково” аэропортидан ушланишларсиз бажарилган. Бола парвоз вақтида ўзини ёмон ҳис қила бошлаган, уни қутқаришнинг иложи бўлмаган. У ўзининг амакиси билан бирга бўлган”, деб айтган Усмонов.

Маълум қилинишича, экипаж сардори ушбу ҳодиса туфайли Оренбургда фавқулодда қўнишни амалга оширишга қарор қилган. 

Таъкидланишича, боланинг амакиси унинг жасади билан Оренбургда воқеа сабабларини аниқлаш учун қолган. Қолган йўловчилар Душанбега етиб олганлар.