Францияда президентга суиқасд тайёрлаган 6 киши қўлга олинди

Фото: ©РИА Новости/Сергей Гунеев

Француз полицияси мамлакат президенти Эмманюэль Макронга суиқасд уюштиришни режалаштирган 6 кишини қўлга олди. Бу ҳақда BFM TV телеканали хабар тарқатди.

6 ноябрь тонгида Изер, Иль ҳамда Вилен ва Мозель департаментларида президент ҳаётига хавфлар юзасидан ўтказилган текширувлар асосида Франция Ички хавфсизлик бош бошқармаси томонидан махсус рейд ташкил этилган.

Қўлга олинганлар радикал қарашларга эга шахслар экани айтилмоқда. Улар ультраўнг кучлар вакили бўлиши мумкин.

Айни вақтда прокуратура томонидан ушбу шахсларга нисбатан тергов ҳаракатлари бошланган.