«Ўзини император деб ҳисоблайди». Порошенко Путин ҳақида очиқ гапирди
Украина президенти Пётр Порошенко Россия президенти Владимир Путинда Россия империясини тиклаш ва Украинани эгаллаб олиш истаги мавжудлигини айтди. Бу ҳақда у Германиянинг Bild нашрига берган интервьюсида маълум қилди.
«Путин аввалги Россия империясини қайтармоқчи. Қрим, Донбассни, у бутун мамлакатни қайтариб олишни истайди. У ўзини Россия императори сифатида кўради, унинг империяси Украинасиз ишлаши мумкин эмас, деб ҳисоблайди. У бизни колония деб билади», - деди Порошенко. Порошенко мамлакатни 2014 йилда бошқара бошлаганидан бери, унинг сўзларига кўра, Украина Россиянинг мустамлакаси бўлишдан тўхтади.
Порошенконинг тушунтиришича, Украинани ҳимоя қилиши керак. Айнан шунинг учун, унинг сўзларига кўра, Керч бўғозидаги ҳодисадан сўнг ҳарбий ҳолат жорий этди. «2014 йилда бўлгани каби, Путин Украинанинг яна бир қисмини қўшиб олмоқчи, у ўзини худди ўшандагидай тутмоқда», - дея қўшимча қилиб ўтди президент.
Бундан ташқари, Пётр Порошенконинг умид билдиришича, НАТО давлатлари Украинага ёрдам бериш ва минтақада хавфсизликни таъминлаш учун Азов денгизига ўз ҳарбий кемаларини юборади. Кремль Украина президентининг бундай баёнотини провокация, деб атади. Путиннинг матбуот котиби Дмитрий Песков Порошенко сўзларига президентлик сайловлари арафасидаги ички сиёсий манфаатлар, деб изоҳ берди.
Эслатиб ўтамиз, аввалроқ Порошенко Россия билан кенг миқёсли уруш хавфи ҳақида маълум қилганди.
Мавзуга оид
23:02 / 25.09.2024
Путин: «Бизга оддий қурол билан ҳужум ҳам ядро зарбасига асос бўлади»
19:43 / 25.09.2024
Россиялик мулозимлар ва The Washington Post таҳлилчилари Кремлнинг ядровий таҳдидлари «энди ҳеч кимни қўрқитмайди» дейишмоқда
23:20 / 23.09.2024
Кремл Путиннинг янги ядровий ракеталари синови муваффақиятсиз кечганидан бехабар эканини маълум қилди
10:50 / 21.09.2024