Арьен Роббен «Бавария»дан кетишини эълон қилди

«Бавария» яримҳимоячиси Арьен Роббен мавсум якунида клубни тарк этиши ҳақида маълум қилди.

«Бу менинг «Бавария»даги охирги мавсумим.

Мен бу клубда ажойиб 10 йилни ўтказдим», – деган футболчи.

Айни вақтда 34 ёшда бўлган футболчи мюнхенликлар жамоаси сафида 2009 йилдан буён тўп суриб келмоқда. Роббен жорий мавсумда 9 ўйинда майдонга тушди ва 3 гол урди.

У «Бавария»да 10 мавсум давомида 305 ўйинда майдонга тушган ҳамда жами 143 голга муаллифлик қилган. Роббен немис клуби билан бу давр мобайнида 7 марта Бундеслига чемпионига айланган, 5 марта Суперкубокка эга чиққан, бир мартадан Чемпионлар лигаси ва УЕФА Суперкубогида ғолиб бўлган.