«Челси» ғалаба қозонди ва турнир жадвалида юқорилади

Англия чемпионатининг 14-турида «Челси» «Фулҳэм» устидан ғалабага эришди. Лондондаги «Стэмфорд Бриж» стадионида кечган учрашув майдон эгаларининг 2:0 ҳисобидаги ғалабаси билан якунланди.

Ўйиннинг 4-дақиқасидаёқ Педро Родригес Н'Голо Кантенинг узатмасидан кейин ҳисобни очди. Ўйин охирида Рубен Лофтус-Чик Эден Азарнинг пасидан кейин иккинчи голни урди.

Бу Сарри жамоасининг Премьер-лигада охирги уч ўйиндаги илк ғалабаси бўлди. 14 турдан кейин «Челси» очколари сонини 31тага етказган ва чемпионат турнир жадвалида учинчи ўринга кўтарилган. «Фулҳэм» 8 очко билан 20-ўринда қолмоқда.

Кейини турда «Челси» «Вулверҳэмптон» меҳмони бўлади, «Фулҳэм» «Лестер Сити»ни қабул қилади. Икки ўйин ҳам 5 декабрга белгиланган.

Англия чемпионати
14-тур
Челси – Фулҳэм 2:0
Голлар: 1:0 – 4 Педро, 2:0 – 82 Лофтус-Чик.
Челси – Аррисабалага, Рюдигер, Алонсо (Дзаппакоста, 78), Аспиликуэта, Давид Луиз, Ковачич (Лофтус-Чик, 67), Жоржиньо, Педро, Канте, Азар, Жиру (Мората, 70).
Фулҳэм – Рико, Моусон, Одои, Ле Маршан, Чемберс, Кэрни (Кебано, 76), Сери, Сессеньон (Камара, 46), Юхансен (Айите, 46), Кристи, Митрович.
Огоҳлантиришлар: Одои (54), Аспиликуэта (69), Мората (83).