Президент янги қонунни имзолади. Геология соҳаси ходимлари куни белгиланди

Ўзбекистон Республикаси президенти “Ўзбекистон Республикаси геология соҳаси ходимлари кунини белгилаш тўғрисида”ги қонунни имзолади.

Қонун Қонунчилик палатаси томонидан 2018 йил 20 июнда қабул қилинган, Сенат томонидан 2018 йил 13 декабрда маъқулланган.

Ҳужжат билан апрель ойининг биринчи якшанбаси Ўзбекистон Республикаси геология соҳаси ходимлари куни этиб белгиланди.

Ушбу Қонун расмий эълон қилинган кундан эътиборан кучга кирди.

Эслатиб ўтамиз, жорий йилнинг апрель ойи ўрталарида Қонун ҳужжатлари таъсирини баҳолаш тизими порталида «Ўзбекистон Республикасида хизмат кўрсатган геолог» фахрий унвонини таъсис этиш ва Геология соҳаси ходимлари кунини белгилаш тўғрисидаги қонун лойиҳалари эълон қилинганди.