Орхидеянинг янги тури аниқланди

Австриялик ботаник Антон Зидер Мадагаскарда янги, ўткир ҳидли орхидея турини аниқлади, дея маълум қилади National Geographic.

Олим ўз топилмасини Қиролликнинг Кью ботаника боғига топширган. Орхидея суратлари ва унинг спиртланган нусхаси Қироллиқ ботаника боғи илмий ходими Йохан Херманс томонидан ўрганиб чиқилди. 

У Cynorkis christae номини олган ўсимлик илм-фан учун янги эканини тасдиқлади. “Бу ҳақиқий топилма, - деди Йохан. – Ушбу орхидеянинг ажралиб турувчи томони унинг шампан ҳидига ўхшаш ширин ифори ҳисобланади”. 

Cynorkis christae ўсимлигининг гуллари йирик. Уларнинг аксарияти – оқ рангда, юқори барглари эса ёрқин-бордо рангида. 

“Бу орхидея аввалроқ топилмаганига ҳайронман, - дейди Йохан. – Эҳтимол, бунга унинг чекка ҳудудда ўсиши сабабдир”. Боз устига, гулни фақат бир ой давомида кўриш мумкин – ўсимлик фақат ёмғирлар мавсумида гуллайди”.