Мадуро Трампдан Венесуэладан қўлларини тортишни талаб қилди

Фото: REUTERS / Stringer

Венесуэла президенти Николас Мадуро АҚШ президенти Дональд Трампга инглизчада мурожаат қилди ва ундан мамлакатини тинч қўйишни талаб қилди. Мадуро мамлакатига қарши киритилган янги санкцияларга шундай изоҳ берган.

Мадуро АҚШдан қайтган венесуэлалик дипломатлар олдидаги нутқида инглизча сўзлашга ўтиб, Трампга мурожаат қилган: “Дональд Трамп, Венесуэлада тўнтарувми? Йўқ! Not that way!... [Бундай эмас] Венесуэла ишига аралашма, hands off Venezuela! Immediately! [Венесуэладан қўлларингни торт! Дарҳол!]”. Шундан кейин у сўзларини испанчада давом эттирган.

“Трамп, Венесуэлада юз бериши мумкин бўлган ҳар қандай зўравонлик учун жавобгарсиз. Венесуэлада тўкилиши мумкин бўлган қон сизнинг қўлларингизда бўлади, президент Дональд Трамп”, деб давом эттирган Мадуро.

Аввалроқ АҚШ Венесуэланинг PDVSA нефть-газ компаниясининг барча активларини блоклаган ҳамда бу компания билан битимлар тузишни тақиқлаб қўйган. АҚШ молия вазири Стивен Мнучин компания ҳисобрақамларининг блокланиши у олган тушум Николас Мадурога эмас, балки Хуан Гуайдога топширилишини англатишини айтган.

Тайёрлаган Шуҳрат Раҳимов

#Николас Мадуро #Дональд Трамп

Венесуэла президент Николас Мадурога қарши оммавий норозилик намойишлари гирдобида қолди. 23 январь куни, ушбу намойишлар авжига чиққан вақтда Венесуэла парламенти раҳбари Хуан Гуайдо ўзини мамлакатнинг муваққат президенти деб эълон қилди