Тошкент вилоятида 18 млн сўм ўғриси аниқланди

2017 йил 6 октябрь куни Тошкент вилоятининг Оққўрғон туманида яшовчи Ш.Т. (аёл) ИИБга мурожаат қилган, деб хабар бермоқда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.

Қайд этилишича, у шу йил  4 октябрь куни номаълум шахс уйига очиқ қолган дераза орқали кириб, у ердан 18 млн сўм пулини ўғирлаб кетганлигини маълум қилган. 

Ҳолат юзасидан жиноят иши қўзғатилган эди. Кўрилган чоралар натижасида ушбу жиноятни Оққўрғон тумани У.Юсупов кўчасида яшовчи Д.З. содир этганлиги аниқланиб, ушланди. 

Тергов давом этмоқда, дейилади хабарда.