Гуайдо венесуэлаликларни норозилик намойишларига чиқишга чақирди

Фото: REUTERS / Carlos Garcia Rawlins

Венесуэла мухолифати янги норозилик намойишлари ўтказилишини эълон қилади, деди миллий ассамблея раҳбари Хуан Гуайдо.

"Яқин кунларда гуманитар ёрдам излаш йўлида бизни бутун Венесуэла халқи қўллаб-қувватлашини сўраймиз", - деди Гуайдо.

"Келинглар, яна қасамёд қиламиз. Ўнг қўлимизни кўтариб, Венесуэлага содиқ венесуэлаликлар узурпацияга чек қўйилмагунигача, ўтиш ҳукумати тузилмагунича ва эркин сайловларга қадар кўчаларда қолишга қасамёд қиламиз", - деди Гуайдо.

У навбатдаги норозилик намойишлари 12 февралда ўтказилишини маълум қилди.

Иккинчи февраль куни мамлакат бўйлаб президент Николас Мадуро тарафдорлари ва мухолифат митинглар ўтказди.

Тайёрлаган Дилшод Аскаров

#намойиш #Гуайдо

Венесуэла президент Николас Мадурога қарши оммавий норозилик намойишлари гирдобида қолди. 23 январь куни, ушбу намойишлар авжига чиққан вақтда Венесуэла парламенти раҳбари Хуан Гуайдо ўзини мамлакатнинг муваққат президенти деб эълон қилди