«Барселона» тарихидаги энг чиройли гол аниқланди

Лионель Мессининг Испания Кубоги 2006/07 мавсумининг яримфиналида «Хетафе» дарвозасига киритган тўпи «Барселона» тарихидаги энг чиройли гол деб топилди.

Мухлислар орасида ўтказилган сўровномада бу гол 45% овоз тўплаб, биринчи бўлди. 

Қайд қилиш жоизки, кейинги икки ўрин ҳам Мессининг голларига насиб қилди. Испания Кубоги 2014/15 мавсуми финалида «Атлетик» дарвозасига урилган гол (28%) иккинчи, Чемпионлар Лигаси 2010/11 мавсумида «Реал» дарвозасига киритилган тўп (16%) учинчи бўлди.

Сўровнома уч ой давом этди ва унда 160 мамлакатдан 500 мингдан ортиқ мухлис иштирок этди.