«Лукойл» Ўзбекистондаги мавжуд лойиҳаларга яна 2 млрд доллар сармоя киритади

«Лукойл» Ўзбекистондаги мавжуд лойиҳаларга қўшимча 2 миллиард доллар сармоя киритишни режалаштирмоқда. Бу ҳақда бугун Россия компаниясининг раҳбари Вагит Алекперов Бухоро вилоятидаги «Қандим» газни қайта ишлаш комплекси ҳудудида бўлиб ўтган, компания директорлар кенгаши сайёр йиғилишида маълум қилди.

У компания «янги инвестицияларни киритиш ниятидалиги» ва янги геология қидирув ишлари ўтказмоқчи эканини тасдиқлади.

«Компания бизнинг мавжуд лойиҳаларимизда катта инвестиция циклига эга. Келажакда «Ҳисор» ва Қандим гуруҳи конларида газ қазиб олишни кўпайтириш учун 2 миллиард доллар йўналтиришимиз керак», - деди Алекперов журналистларга.

Жорий йилнинг бошида у компания Навоий вилоятидаги учта инвестицион блокда янги углеводородлар захираларини топишга умид қилаётгани ҳақида айтганди.

«Ўрганиш бошланган учта блок - бу жуда катта иш. Республика раҳбарияти олдида компания ўз зиммасига олаётган масъулият барча ишни ўз вақтида бажаришга имкон беради. Шунинг учун биз ушбу объектлар бўйича ишлаймиз, деб ўйлайман», - дея қўшимча қилди Алекперов.